Абдулҳай Шораҳматовнинг навбатдаги жанг санаси ва рақиби аниқ бўлди

Боксчимиз Olamsport.com сайти билан суҳбатда бу ҳақида маълумот берди. Унга кўра, Шораҳматов проф рингдаги учинчи жангини 6 март куни Польшада ўтказади. Ўша куни унга англиялик тажрибали боксчи Михаил Рамабелеца рақиблик қилади. 

Маълумот учун, британиялик боксчи шу кунгача проф рингда 36 та жанг ўтказган ва уларнинг 18 тасида ғалаба қозонган (8 та нокаут). Яна 18 та жангда эса мағлубиятга учраган (2 та нокаут). Абдулҳай Шораҳматов эса бунгача проф боксда иккита жанг ўтказиб, уларнинг ҳар иккисида ҳам рақибларини нокаут эвазига мағлубиятга учратган.