05 апр 16:55
Янгиликлар
Спорт курашлари
Абдулрашид Садулаев виза билан боғлиқ сабаб туфайли яна бир мусобақада қатнаша олмайдиган бўлди
Эркин кураш юлдузи Абдулрашид Садулаев Европа чемпионатида иштирок этмайди. Бунга унинг виза ололмагани сабаб бўлган.
Бу ҳақда Россия эркин кураш терма жамоаси бош мураббийи Хажимурат Гацалов маълум қилди.
"Садулаевга виза беришдан бош тортишди. Биз унинг ўрнига Магомед Курбановни қўйдик", - деди мураббий.
Европа чемпионати 7–13 апрель кунлари Словакия пойтахти Братиславада бўлиб ўтади.
Эслатиб ўтамиз, Абдулрашид Садулаев — икки карра Олимпия чемпиони, олти карра жаҳон чемпиони ҳисобланади.
Ҳавола :
Манба : sports.ru
Фикрлар