14 май 17:37
Янгиликлар
Бокс/ММА
Абдумалик Халоков кубалик рақибини енгиб, жаҳон чемпионати олтин медалини қўлга киритди!
Бокс бўйича жаҳон чемпионатининг сўнгги кунидан ўрин олган жанглар старт олди.
Бугунги кун доирасидаги иккинчи финал жанги -57 кг вазн тоифасида бўлиб ўтди. Унда ўзбекистонлик Абдумалик Халоков ва кубалик боксчи Хорта Родригес тўқнаш келди. Мазкур финал жанги тўлиқ 3 раунд давом этди ва унда ҳакамларнинг якдил қарори билан 5:0 ҳисобида Абдумалик Халоков ғалаба қозониб, жаҳон чемпионати олтин медали ҳамда 200 минг доллар кафолатланган гонорарга эга чиқди. Жанг давомида ҳамюртимиз рақибини нокдаун ҳолатига ҳам солиб қўйди. Қайд этиш жоиз, Халоковнинг олтин медали Ўзбекистон термаси учун ушбу чемпионатдаги умумий ҳисобда тўртинчи олтин медаль бўлди.
Кумуш медалга эга чиққан Родригес эса эндиликда 100 минг доллар кафолатланган гонорарни қўлга киритди.
Ҳавола :
Манба : olamsport.com
Фикрлар