05 окт 17:26
Янгиликлар

Бокс/ММА, Осиё ўйинлари

Абдумалик Халоков Осиё ўйинлари ғолиби!

Осиё ўйинлари доирасида бокс баҳсларининг -57 кг вазн тоифасидаги беллашувлари якунланди.

Аҳамиятлиси, мазкур вазндаги ҳамюртимиз Абдумалик Халоков барча рақибларини енгиб, финалга қадар келди. У бироз аввал якунланган ҳал қилувчи баҳсда эса япониялик рақибини 2-раундда муддатидан олдин мағлуб этди ва Осиё ўйинлари ғолибига айланди.

Бу Ўзбекистон делегациясининг Осиё ўйинларида қўлга киритган 18-олтин медали бўлди.

Бироз аввал, Ҳасанбой Дўсматов ҳам чемпионликни қўлга киритган эди.