Абдумалик Халоков профессионал боксдаги дебют жангини эълон қилди + ПОСТЕР

Яқиндагина Осиё ўйинлари чемпиони бўлган чарм қўлқоп устамиз 17 ноябрь куни Тошкентдаги "Ҳумо Арена" мажмуасида ташкил этиладиган профессионал бокс оқшомида украиналик Олександр Егоров (20-9-1) билан жанг қилади.

Боксчимиз бу жангни қуйидагича изоҳлади:

"Ассалому алайкум! Барчангизга маълум, фаолиятимда янги саҳифа очиш арафасида турибман. Уни жонажон Ватанимда, сиз азизлар, яқинларим кўз олдида амалга оширишни ният қилганман. Сизларнинг қизғин қўллаб-қувватлашингизни 17 ноябрь куни "Ҳумо Арена"да ҳис қилишни истайман. Олға, Ўзбекистон!".

Аввалроқ, ушбу турнир доирасида ўзбекистонлик боксчилардан Баҳодир Жалолов, Қудратилло Абдуқуҳҳоров, Миразизбек Мирзахалилов ва Мужибилло Турсуновларнинг ҳам жанг қилиши ҳақида хабар берган эдик.