27 фев 23:15
Янгиликлар
Бокс/ММА
Абдумалик Халоковнинг Испаниядаги жанги муддатидан олдин якунланди
Бугун Испаниянинг Севилья шаҳридаги Centro Deportivo San Pablo мажмуасида профессионал бокс оқшоми ўтказилмоқда.
Аввал хабар берганимиздек, турнир доирасида ярим енгил вазн тоифасидаги ўзбекистонлик чарм-қўлқоп устаси Абдумалик Халоков ҳам рингга кўтарилди.
Ҳамюртимиз Венесуэла вакили Марлемброн Акуньяга қарши баҳс олиб борди. 6 раунд этиб белгиланган жанг учинчи раунддаёқ якунига етди. Абдумалик рақибини техник нокаут орқали муддатидан олдин таслим этди.
Бу 24 ёшли Абдумалик учун профессионал боксдаги иккинчи жангида қўлга киритган иккинчи ғалабасига айланди. Акунья ҳисобида эса энди 13 ғалаба, 12 мағлубият ва 1 та дуранг мавжуд.
Ҳавола :
Манба : olamsport.com
Фикрлар