30 мар 17:34
Янгиликлар

Теннис

Абдураимова 1/2 финалда турнирнинг 1-ракеткасига қарши уч сетлик учрашув ўтказди

Словениянинг Мурска-Собота шаҳрида теннис бўйича аёллар ўртасида W50 туркумидаги турнир давом этмоқда.

Мукофот жамғармаси 50 000 АҚШ долларини ташкил этувчи ушбу мусобақада ҳамюртимиз Нигина Абдураимова ҳам муваффақиятли одимлаётганди. Мамлакатимизнинг биринчи ракеткаси ҳозиргина якунига етган 1/2 финал баҳсида мағлубиятга учради.

Турнирда 8-рақам остида таснифланган теннисчимиз турнирнинг биринчи ракеткаси, россиялик Валерия Савинихга қарши кортга чиқди. Икки соату 25 дақиқа давом этган баҳсда Савиних 6/4, 5/7, 6/3 ҳисобларида ғалаба қозониб, финалга йўл олди.

Таққослаш учун, Нигина Абдураимова WTA рейтингида 250, Савиних эса 168-поғонадан жой олган. Энди ҳамюртимиз кечки дастурда жуфтлик баҳсларида бош соврин учун кортга чиқади.