31 авг 12:14
Янгиликлар

Теннис

Абдураимова Нидерландияда муваффақиятли старт олди

Нидерландиянинг Оверэйсел провинцияси Олдензал шаҳрида теннис бўйича WTA40 тоифасига кирувчи турнир бўлиб ўтмоқда.

Ушбу мусобақада ҳамюртимиз Нигина Абдураимова ҳам иштирок этяпти. Мамлакатимизнинг биринчи ракеткаси 1/6 финалда германиялик Ангелина Виргесни 6/4, 6/2 ҳисобида мағлубиятга учратди. Ушбу баҳс ёмғир сабаб иккинчи сетнинг иккинчи геймидан сўнг бир неча соатга тўхтатилган.

Турнирда учинчи рақам остида таснифланган Нигина бироздан сўнг бошланадиган 1/8 финал учрашувида яна бир олмон теннисчиси Лилли Стеурга қарши кортга чиқади. Абдураимова WTA рейтингида 194, Виргес 552, унинг бугунги рақибаси Стеур эса 649-ўринни эгаллаб турибди.