20 апр 16:48
Янгиликлар

Теннис

Абдураимова Оэйраш турниридаги иштирокини бошлади

Португалиянинг Оэйраш шаҳрида теннис бўйича ITF тоифасидаги турнир давом этмоқда.

Мукофот жамғармаси 100 000 АҚШ долларини ташкил этувчи турнирда ҳамюртимиз Нигина Абдураимова ҳам иштирок этяпти. Мамлакатимизнинг биринчи ракеткаси фақат жуфтлик баҳсларида ўз омадини синаб кўрмоқда.

Япониялик Моюка Учижима билан тандем ҳосил қилган Нигина 1/4 финалга йўл олди. Улар 76 дақиқа давом этган 1/8 финал учрашувида Босния ва Герцеговиния вакиласи Анита Вагнер ҳамда руминиялик Иоана Роска ҳамкорлигидан 6/2, 6/4 ҳисобида устун келишди.

Энди Моюка ва Нигина 1/2 финал чиптаси учун британиялик теннисчилар Оливия Николлс ҳамда Алисия Барнет жуфтлигига қарши кортга чиқади.