Абдураимова Трнавада иккинчи ракеткага қарши 190 дақиқалик учрашув ўтказди

Унда ҳамюртимиз Нигина Абдураимова ҳам муваффақиятли одимлаётган эди. Афсуски, мамлакатимизнинг биринчи ракеткаси ярим финал остонасида рейтингда ўзидан деярли икки юз поғона юқорида бораётган рақибасига уч сет натижасига кўра имкониятни бой бериб, мусобақадаги иштирокини якунлади. 

Теннисчимиз 1/4 финалда австралиялик Арина Родионовага қарши кортга чиқди. Уч соату 10 дақиқа давом этган драматик учрашувда турнирнинг иккинчи ракеткаси бўлиб турган Арина 5/7, 6/4, 6/4 ҳисобларида ғалаба қозониб, 1/2 финалга йўл олди. Нигина WTA рейтингида 246, Родионова эса 132-ўринни эгаллаб турибди. 

Эслатиб ўтамиз, турнирнинг олтинчи ракеткаси сифатида ҳаракат қилган Абдураимова аввалига дунёнинг 443-ракеткаси ҳисобланган чехиялик Жесика Малечковани 6/7(6), 6/2, 2/1 (рақибаси баҳсни якунига етказа олмади) ҳисобида мағлуб этганди. Нимчорак финалда эса яна бир чех теннисчиси Анета Кучмовадан уч сетда устун келган эди - 6/0, 3/6, 7/5.