Абдураимовнинг жанги учинчи марта ҳам ўтказилмади, афтидан промоутер яхши эмас!

Унга кўра, Абдураимов АҚШнинг Нью-Йорк штати Куинз шаҳарчасида угандалик Сулаймон Сегавага қарши рингга кўтарилиши лозим эди. Лекин ушбу жанг белгиланган муддатда ўтказилмади. Ўша бокс оқшоми доирасида белгиланган қолган жанг ўтказилган, лекин Абдураимов рингга чиқмаган.

Абдураимовнинг дебют жанги аввалига 20 апрель, кейин 18 май кунига кўчирилганди. 18 май кунги жангга икки кун қолганда топилган рақиб америкалик Омар Этридж тиббий кўрикдан ўта олмагани учун ўшанда жанг бекор бўлганди. 

Афсуски, учинчи уриниш ҳам зое кетди. 2013 йилда проф боксдаги фаолиятини бошлаган Сегава шу кунгача 11та жанг ўтказган бўлиб, уларнинг 10тасида ғалабага эришган. Учта жангда рақибларини нокаутга учратганди. Ягона мағлубиятини шу йилнинг 28 апрель куни Уильям Фостердан қабул қилиб олган эди.

Афтидан, Элнур Абдураимовнинг промоутерлари яхши эмас. Акс ҳолда жанг учинчи маротаба ҳам бекор қилинмас эди. Бизга хабар беришларича, Элнур билан машҳур мураббий Педро Диас ишлаяпти. Лекин жанг бўлмаганидан кейин ҳар қандай тайёргарликнинг ҳам фойдаси йўқ.