Абдурасул Исмоилов мўғулистонлик рақибини нокаутга учратиб, фаолиятидаги ўнинчи ғалабани қўлга киритди!

Енгил вазн тоифасида жанг қилиб келаётган ўзбекистонлик профессионал боксчи Абдурасул Исмоилов Жанубий Корея пойтахти Сеул шаҳрида навбатдаги жанги доирасида рингга кўтарилди.

Ушбу жанг Fight World1 International Fight Night турнири доирасида ўтказилиб, ҳамюртимизга мўғулистонлик Очирсурен Амарсана рақиблик қилди. Жанг 2-раунддаёқ Абдурасул Исмоиловнинг рақибини нокаутга учратиши натижасида муддатидан аввал якунланди.

Шу тариқа, ҳамюртимиз профессионал боксдаги ўнинчи ғалабасини қўлга киритди. Мўғул боксчиси эса дебют жангида мағлубиятга учради.