Абдусатторов Freestyle Жаҳон чемпионати саралаш финал раундига 1-ўрин билан йўл олди

Жаҳон чемпионатининг олти нафар иштирокчиси - Магнус Карлсен, Левон Аронян, Фабиано Каруана, Винсент Кеймер, Аржун Эргаиси ва ҳамюртимиз ўтган йилги жаҳон Кубоги соҳиби Жавоҳир Синдаров 2025 йилги Freestyle Chess Grand Slam Tour мусобақаси натижалари асносида аниқ бўлиб улгурган.  

Кеча ва бугун жаҳон чемпионатига сўнгги йўлланма ўйналяпти. Кеча биринчи кунги биринчи саралаш босқичида ҳамюртимиз Нодирбек Абдусатторов 9 имкониятдан 7 очко жамғарган ҳолда қўшимча кўрсаткичларга кўра 1-ўрин билан саралашнинг финал раундига йўл олди. Нодирбек 6 ғалаба, 2 дуранг ва 1 мағлубият қайд этди. 

Эътиборлиси, Абдусатторов сўнгги тур олдидан пешқадам бўлиб турган америкалик Григорий Опаринни мағлуб этиш орқали саралашнинг финалига йўл олди. Опарин ягона мағлубиятига қарамай, 7 очко билан 3-ўрин эгаси сифатида финал босқичига чиқди. Еттидан очко жамғарган ҳиндистонлик Пранав ва эронлик Амин Табатабайи ҳам саралашнинг финал раундига чиқди. Бугун улар ўзаро нокаут тизимида ягона йўлланма учун баҳс олиб боришади.