Абдусатторов ва Синдаров Esports World Cup Chess турниридан қанча пул ишлаб олишди?

NAVI жамоаси шарафини ҳимоя қилган Нодирбек Абдусатторов D гуруҳидан иккинчи ўрин соҳиби сифатида плей-оффга йўлланма олганди. Ёш гроссмейстеримиз 1/4 финалга чиқиш орқали кучли саккизталикдан жой ола билди. У бу босқичда франциялик Алиреза Фирузджага драматик кечган 4 та партиядан иборат учрашувда имконияти бой бериб қшйди. 

Мусобақанинг асосий тўр баҳсларига саралаш босқичидаги кучли шахматчиларни мағлуб этиб етиб келган Жавоҳир Синдаров эса плей-оффга чиқа олмаганди. Шахматчиларимиз илк бор бундай катта масштабда ташкил этилган мукофот жамғармаси 1 миллион 550 минг АҚШ долларини ташкил қилувчи мусобақадаги иштирокларидан яхшигина гонорар ишлаб олишди. 

Ярим финал остонасида юришини тўхтатган Нодирбек Абдусатторов 85 000, мусобақани 13-ўринда якунлаган Жавоҳир Синдаров эса 50 000 АҚШ доллари миқдоридаги пул мукофотини қўлга киритди. Бугун якунига етадиган Esports World Cup Chess турнири чемпиони 250 000 долларга эга бўлади.