ABN AMRO Open. Янник Синнер Роттердамни забт этди

Италиялик теннисчи ҳал қилувчи финал учрашувида ATP рейтингида 11-ўринни эгаллаб келган австралиялик Алекс Де Минаурни 7/5, 6/4 ҳисобида мағлубиятга учратди. Дунёнинг тўртинчи ракеткаси бўлиб келган Янник бугун эълон қилинадиган янгиланган рейтингда Топ-3`да дебют қилади. 

Теннисчиларнинг ўзаро учрашувларида мутлақ устунлик Синнер томонида - 7:0. Икки соату 10 дақиқа давом этган баҳсда Янник 4, Де Минаур 10 та эйс зарбасини амалга оширган. Синнернинг ғалабали серияси 15 та учрашувга етди. Бу унинг мавсумдаги иккинчи, фаолиятидаги 12-соврин бўлди. 

Роттердамдаги турниридаги бир ҳафталик меҳнат унга 500 рейтинг очкоси ҳамда 399,215 евро мукофот пули келтирди.