Монте-Карло "Мастерс" бош соврини ва миллион доллар кимга насиб этди?

Ҳал қилувчи финал учрашувида дунёнинг биринчи ҳамда иккинчи ракеткалари - испаниялик Карлос Алькарас ва италиялик Янник Синнер ўзаро тўқнаш келди. Икки соату 15 дақиқа давом этган баҳсда Синнер рейтинг пешқадамини 7/6(5), 6/3 ҳисобида мағлуб этиб, Монте-Карло "Мастерс" чемпионига айланди.

Теннисчиларнинг ўзаро учрашувларида ҳамон Карлос 11:7 ҳисоб кўринишида олдинда бормоқда. Синнер чемпионлиги эвазига 1000 рейтинг очкоси ҳамда 974 370 евро мукофот пулинни қўлга киритди. Вице-чемпион Алькарас эса ушбу "Мастерс" турниридан 650 очко ҳамда 532 120 евро ишлаб олди. 

Бундан ташқари, 24 ёшли итальян теннисчиси 1990 йилда "Мастерс" пайдо бўлганидан бери кетма-кет тўртта турнирда ғалаба қозонган учинчи теннисчига (Новак Жокович ва Рафаэль Надалдан кейин) айланди.