19 дек 08:21
Янгиликлар

Бокс/ММА

Аброр Турсунпўлатовнинг шогирди Ковалёв мартда рингга чиқади

Профессионал бокснинг ярим оғир вазн тоифасида WBO йўналиши чемпиони Сергей Ковалёв навбатдаги жангини 2018 йилнинг март ойида ўтказадиган бўлди.

Россиялик боксчининг рақиби яна бир рус боксчиси IBO йўналиши чемпиони Игорь Михалкин бўлади. Бирлаштирувчи чемпионлик жанги 4 март куни АҚШнинг Нью-Йорк шаҳрида бўлиб ўтади. Бу маълумотни Ковалёвнинг мураббийи ҳамюртимиз Аброр Турсунпўлатов ҳам тасдиқлади.

Фазлиддин Ғоибназаровнинг мураббийи ҳисобланган Турсунпўлатов параллел равишда Сергей Ковалёвга ҳам устозлик қиляпти. Михалкин сўнгги жангини шу ойнинг бошида франциялик Дуду Нгумбага қарши ўтказиб, рақибини очколар ҳисобига кўра мағлуб этганди. Ковалёв эса ноябрда украиналик Вячеслав Шабранскийни иккинчи раундда нокаутга учратганди.