Абубакар Нурмагомедов янги лига билан шартнома имзолади

Нурмагомедов куни кеча янги GFL (Global Fight League) лигаси билан шартнома имзолади. Унинг янги лигадаги дебют жанги Рамазондан кейин апрель ёки май ойларига мўлжалланмоқда. 

GFL лигаси раҳбарияти промоушен байроғи остида тахминан 300 нафар жангчини тўплашни мақсад қилган. Айни пайтда 100 нафардан зиёд жангчилар ушбу лигада октагонга чиқиб келишяпти. Уларнинг деярли ярмини 40 ёшдан ошган аралаш яккакураш усталари ташкил қилади. Энг ёши катта жангчи — собиқ Pride чемпиони Вандерлей Силва бўлиб, у 48 ёшда! Собиқ UFC жангчилари Фабрисиу Вердум ва Алексей Олейник эса 47 ёшни уриб қўйишган.