Адҳамжон Муҳиддинов қийин жангда ғалаба қозониб, финалга чиқди

Бугун мусобақаданинг ярим финал жанглари ташкил этиляпти. Баҳсларда -63,5 кг вазн тоифасида юртимиз шарафини ҳимоя қилаётган Адҳамжон Муҳиддинов ярим финалда Филиппин вакили Марк Ашлей Фажардога қарши рингга кўтарилди.

Жанг тўлиқ давом этди, унда Адҳамжон Муҳиддинов ҳакамлар қарори билан 3:2 ҳисобида зафар қучиб, Осиё чемпионати финалига йўл олди.

Қайд этиш жоиз, жанг давомида филиппинлик боксчи ҳамюртимизни икки бор нокдаун ҳолатига туширди. Бироқ Адҳамжон якунда вазиятни ўз фойдасига ҳал қилди.

Энди Муҳиддинов 11 декабрь куни финал жангида рингга чиқади. Унга ҳал қилувчи баҳсда Сомчай Вонгсуван рақиб бўлади.