19 окт 15:16
Янгиликлар

Бокс/ММА

Афсонавий Руслан Чагаев 41 ёшга тўлди

Супероғир вазн тоифасида собиқ жаҳон чемпиони ҳисобланган боксчи Руслан Чагаев бугун таваллуд айёмини нишонламоқда.

Афсонавий боксчимиз бугун 41 ёшни қарши олди. Спортчи 1978 йилнинг 19 октябрида Андижонда туғилган. Фаолияти давомида 38та жанг ўтказган. Шуларнинг 34тасида ғалаба қозонган (21таси нокаут билан), 1тасида дуранг қайд этилган. 3та жангда эса у имкониятни бой бериб қўйган.

Ҳаваскор боксда Осиё ва икки карра жаҳон чемпиони. Профессионал рингда эса 2007 йилда Николай Валуевни мағлубиятга учратиб, WBA йўналишининг супероғир вазн йўналишида жаҳон чемпионига айланган. 2016 йилнинг 17 октябрида фаолятини якунлашга қарор қилган.

Фурсатдан фойдаланиб, боксчимизни таваллуд айёми билан табриклаб қоламиз!

olamsport.com сайти таҳририяти