23 май 12:46
Янгиликлар

Бокс/ММА

Агит Кабайел Усик учун Мисрга йўл олди. Нега?

Германиялик оғир вазн тоифасидаги боксчи Агит Кабайел Александр Усик ва Рико Верхувен ўртасида Гиза шаҳрида бўлиб ўтадиган жангни бевосита аренада томоша қилади.

"Ўйлайманки, Усик жангда ғалаба қозонади. Шунда мен унинг ёнига рингга чиқиб: "Кел, бу жангни мухлислар учун амалга оширамиз. Уларга зўр жанг совға қиламиз. Мен бу лаҳзани узоқ кутдим. Нега йил охирида Германиядаги футбол стадионида жанг ўтказмаймиз? Ўйлайманки, Германиядаги ва бутун дунёдаги мухлислар бу жангни узоқ вақтдан бери кутишяпти", - деди Кабайел DAZN Boxing нашрига берган интервьюсида.

Эслатиб ўтамиз, Агит WBC йўналиши бўйича Александор Усикнинг камари учун мажбурий даъвогар мақомида бўлиб турибди. Украиналик боксчи сингари Кабайел ҳам профессионал рингда ҳали бирорта ҳам мағлубиятга учрамаган.