Аҳмадалиев WBC'нинг янгиланган рейтингига киритилди, Отабек ва Бектемирда кўтарилиш + ПОСТEР

Бутунжаҳон Бокс уюшмаси май ойи учун янгиланган рейтингни эълон қилди. Эндиликда собиқ жаҳон чемпиони Муроджон Аҳмадалиев ушбу рейтингга илк бор киритилди.

Шу тариқа, рейтингдан 11 нафар чарм қўлқоп устамиз ўрин эгаллади. 

Уларнинг жойлашган ўринлари билан танишинг:

Супероғир вазн: Баҳодир Жалолов ўтган ойдагидан бир поғона пастлаб, 17-ўринни эгаллади;

Супер ўрта вазн тоифаси (76,2 кг): Азизбек Абдуғофуров ўтган ойдаги сингари 9-ўринда; Бектемир Мелиқўзиев 17-ўринни банд этди, ўтган ойда у 23-поғонада эди;

Супер ярим ўрта вазн (69,8 кг): Исроил Мадримов ўтган ойдагидан бир поғона юқорилаб, 6-ўринга жойлашди;

Ярим ўрта вазн (66,6 кг):  Шаҳрам Ғиёсов 19-ўрин; Жаҳонгир Расулов 31-ўрин, Расулов ўтган ой 34-поғонада эди;

Супер енгил вазн (63,5 кг): Шоҳжаҳон Эргашев ўтган ойдагидан 2 ўрин пастлаб, 14-ўринда қайд этилди; Ботир Аҳмедов ҳам 3 поғонага пастлади - 23-ўрин;

Ярим енгил вазн (57,1 кг): Отабек Холматов 9-ўрин, боксчимиз ўтган ойда 14-поғонани банд этган эди;

Биринчи ярим енгил вазн (55,3 кг): Муроджон Аҳмадалиев рейтингга илк бор киритилиб, 4-ўринга жойлаштирилди;

Биринчи ўта енгил вазн (48,8 кг): Ҳасанбой Дўсматов ўтган ойдаги каби 10-поғонани банд этган.