Аҳролжон Рўзиев яна беш йил муддатга UWW вице-президентлигига сайланди

Эртага айнан Белград шаҳрида ёшлар (U 23) ўртасидаги жаҳон чемпионати старт олади. Конгресс ушбу чемпионат олдидан ташкил этилди. Унда бир қатор масалалар муҳокама қилинди, ҳисоботлар тингланди, режалар тасдиқланди. 

Конгресснинг биз учун аҳамиятли томони шундаки, унда Ўзбекистон спорт курашлари ассоциацияси раиси ўринбосари, профессор Аҳролжон Рўзиев янги 5 йиллик муддатга UWW Бюроси аъзолиги учун сайланди. 

Шунингдек, UWW Бюроси аъзолигига Фуад Мескут (Марокаш), Михаил Мамиашвили (Россия), Дон Рьян (Канада), Педро Гама Фильо (Бразилия), Лучо Канева (Италия) ҳам сайланишди.  

Бюро аъзолигига сайловнинг биринчи туридаёқ ғолиб бўлганлар:

Фуад Мескут (Марокаш) — 104 овоздан 81 та овоз

Михаил Мамиашвили (Россия) — 104 овоздан 80 та овоз

Дон Рьян (Канада) — 104 овоздан 71 та овоз

Педро Гама Фильо (Бразилия) — 104 овоздан 65 та овоз 

Аҳролжон Рўзиев (Ўзбекистон) — 104 овоздан 65 та овоз

Бюро аъзолигига сайловнинг биринчи туридан ўта олмаганлар:

Лучо Канева (Италия) — 104 овоздан 51 та овоз

Эдишер Мачаидзе (Грузия) — 104 овоздан 38 та овоз 

Марина Ди Буссоло Пелликоне (Италия) — 104 овоздан 27 та овоз

Марко Корпела (Финляндия) — 104 овоздан 16 та овоз

Дина Харенко (Украина) — 104 овоздан 12 та овоз

Иккинчи тур натижалари:

Лучо Канева (Италия) — 104 овоздан 58 та овоз 

Эдишер Мачаидзе (Грузия) — 104 овоздан 20 та овоз

Марина Ди Буссоло Пелликоне (Италия) — 104 овоздан 14 та овоз

Дина Харенко (Украина) — 104 овоздан 5 та овоз

Марко Корпела (Финляндия) — 104 овоздан 4 та овоз

Маълумот учун, Аҳролжон Рўзиев 2014 йилдан то шу кунгача UWW вице-президенти лавозимида фаолият юритиб келмоқда. Айнан 2014 йил Тошкентда ўтган Конгрессда FILA номи UWWга ўзгартирилган эди. Шуниси билан ҳам Тошкент Конгресси тарихий ҳисобланади.