AIBA ЖЧ медалларига даъвогарлар орасида 8 нафар ўзбек боксчисини қайд этди (давоми)

Эътиборингизга ушбу мақоланинг ўзбекча вариантдаги давомини тақдим этамиз.

AIBA ЖЧ медалларига даъвогарлар орасида 8 нафар ўзбек боксчисини қайд этди

-69кг: Жаҳон чемпионатида ушбу вазн тоифаси яна кучли боксчиларни ўзида жамлади. Олимпиада ва жаҳон чемпиони, кубалик Рониэль Иглесиас яна ўз формасини тиклаб олган. Шунингдек, Рио Олимпиадаси кумуш медали соҳиби, ўзбек Шаҳрам Ғиёсов ҳам турнирда қатнашади. Ундан ташқари Европа чемпионати финалчилари германиялик Аббос Барау ва инглиз Пэт Маккормаклар ҳам жаҳон чемпионлиги йўлида бор имкониятларини ишга соладилар.




-75кг: Украиналик Александр Хижняк Харковдаги муваффақиятини Гамбургда ҳам такрорлашга ҳаракат қилади. Шунингдек, ўзбекистонлик Исроил Мадримов ҳам ушбу вазн тоифасига кўтарилганидан сўнг муваффақиятларга эришиб келмоқда. У жаҳон ва Олимпиада чемпиони ҳисобланган кубалик Арлен Лопесдан устун кела олган.



-81кг: Ушбу вазнда кубалик Хулио Сезар Ла Крез терма жамоадаги шериги Лазарио Алварес каби ўзининг тўртинчи чемпионлигини қўлга киритиш учун келади. Унга бу йўлда кучли зарбага эга ўзбекистонлик Бектемир Мелиқўзиев ҳалал бериши кутилмоқда. Уч карра Европа чемпиони ва Доҳадаги ЖЧ кумуш медали соҳиби ҳисобланган Жо Уорд ҳам Европа чемпионатидаги олтин медали олдига жаҳон чемпионати олтин медалини ҳам қўшиб қўймоқчи.



+91кг: Кубалик Хосе Лардуэт ва инглиз Фрэзер Кларкларнинг йўқлиги Камишбек Конкабаев (Қозоғистон) ва Баҳодир Жалолов (Ўзбекистон) каби боксчиларга медаль ютиш имкониятини яратади. Шунингдек, совриндор бўлиши мумкин бўлган боксчилар ичида икки карра жаҳон чемпиони Маҳаммадрасул Мажидов, Европа чемпиони Виктор Вихрист ва россиялик Максим Бабанинларни кўрсатиш мумкин.