AIPS томонидан йилнинг энг яхши спортчилари эълон қилинди

Овоз беришда дунёнинг 121 давлатидан 836 нафар журналист иштирок этди.

Эркаклар ўртасида лангарчўп билан сакраш бўйича икки карра Олимпиада чемпиони, швециялик Арман Дюплантис ғалаба қозонди. Токио (Япония) шаҳрида бўлиб ўтган ЖЧ-2025 мусобақасида у фаолиятида 14-марта жаҳон рекордини янгилади. Дюплантис 1182 очко тўплади. 

Сўровномада иккинчи ўринни теннис бўйича дунёнинг биринчи ракеткаси, испаниялик Карлос Алькарас (784 очко) эгаллади. Кучли учликни "Олтин тўп-2025" соҳиби франциялик Усмон Дембеле (713) якунлаб берди.

Аёллар ўртасидаги овоз бериш жараёнида Испания терма жамоаси ва "Барселона" клуби футболчиси, "Олтин тўп" соҳибаси испаниялик Айтана Бонмати 824 очко билан ғалаба қозонди. Кениялик Беатриса Чебет (453) иккинчи бўлди, кучли учликни дунёнинг биринчи рақамли теннисчиси беларуслик Арина Соболенко (446) тўлдирди.