Ажойиб! Нурсултон Рўзибоев UFC'даги биринчи жангидан умумий миқдорда қанча пул ишлаб олгани маълум бўлди

UFC'даги дебют жангида бразилиялик Бруно Феррейрани илк раундда нокаутга учратган ҳамюртимиз биринчи жанги учун 16 000 $ ишлаб олгани маълум бўлди. Бундан ташқари, Нурсултон "энг яхши иштирок" учун 50 000 $ миқдорида бонусга ҳам эга бўлди. Шундай қилиб, Нурсултон Рўзибоев UFC'даги биринчи жанги учун умумий ҳисобда 66 000 $ ишлаб олди. Рўзибоевнинг рақиби Бруно Феррейра эса бу жанг учун 16 000 $ билан чекланди.

Маълум бўлишича, UFC Нурсултонга жанг учун 12 000 $, реклама учун эса 4 000 $ тўлаган.

Қайд этиш жоиз, лига жангчиларга ўз формаларида Reebok компаниясини реклама қилишлари учун пул тўлайди. Бунда жангчиларнинг мақоми, яъни UFC'да нечта жанг ўтказгани ва номдорлиги роль ўйнайди.