Акбар Исломбоев: "Жангни ютдим, лекин ҳакамларни юта олмадим"

Ҳамюртимиз бугун тонгда АҚШнинг Теннесси штати, Кларксвилл шаҳрида бўлиб ўтган LFA 219 турнирининг марказий баҳсида австралиялик Исаак Томпсонга очколар ҳисоби бўйича мағлуб бўлганди. Ҳакамларнинг икки нафари Исаак, учинчи эса Акбаржоннинг ғалабасини таъминлаган эди. 

"Алҳамдулиллаҳ, жангимизни ўтказиб олдик. Уч раунд тўлиқ жанг қилдик. Барча қўллаб-қувватлаяпти, ҳаммага раҳмат. Қўлимиздан келганини қилдик, уч раунд ишладик. Ўзимни оқламоқчи эмасман. Ҳисобим бўйича икки раундни ютдим. Учинчи раундда қўлларим бироз толиққани учун тик турган ҳолда кам уришдим. Шундай бўлса ҳам, учинчи раундда оёқ зарбалари билан рақибимни кўп ушлагандим. Биз жангни ютдик, лекин ҳакамларни юта олмадик. Ин Ша Аллоҳ кучли бўлиб қайтамиз. Синиб қолиш йўқ", деди Исломбоев.