Aktau Asian Judo Open. Дзюдочиларимиз биринчи кун 6 та медалга эга чиқишди + ФОТО

Ўнта давлат вакиллари иштирокида ўтаётган мусобақада Ўзбекистон терма жамоаси тўлиқ таркибда медаллар учун баҳсларга киришди. Биринчи кунги беллашувларда дзюдочиларимиз 2 та олтин, 1 та кумуш, 3 та бронза медалини қўлга киритишди. 

Фотимахон Турсунбоева (-48 кг) ва Маржона Нуруллоева (-63 кг) ўз вазн тоифаларида чемпионлик шоҳсупасига кўтарилишди. Финалда 13 дақиқалик учрашув ўтказган Обидхон Номонов (-73 кг) мезбон дзюдочига имкониятни бой бериб, кумуш медалга сазовор бўлди. Улбусин Ҳакимова (-48 кг), Сита Кадамбаева (-52 кг) ва Моҳинур Аллаберганова (-57 кг) бронза медали билан тақдирланишди.