"Ал Насср" спорт директори Роналду билан боғлиқ музокаралар ҳақида гапирди

Саудия Арабистони клуби узоқ вақтдан бери 37 ёшли суперюлдузни ўз сафига қўшиб олиш учун асосий даъвогар саналиб келмоқда. Португалиялик футболчига молиявий томондан жуда фойдали шартнома таклиф қилинган.

“Келинг, йил охиригача кутамиз ва трансфер ишлари қандай кетаётганини кузатамиз. Ушбу музокаралар нафақат клубимиз ва бутун мамлакатимиз, балки бутун футбол олами учун жуда муҳим. Роналду тарихдаги энг яхши футболчилардан бири. У ҳар доим намуна қилишга арзирли спортчи бўлиб кетган", - деди Марсело Салазар.

Эслатиб ўтамиз, ноябрь ойида Криштиану Роналду клуб билан шартномани муддатидан олдин бекор қилиб, "Манчестер Юнайтед"ни тарк этганди.