21 дек 08:22
Янгиликлар

Теннис

Албина дугонаси билан бирга Мумбай турнирида финалга чиқди

Ҳиндистоннинг Нави Мумбай шаҳрида теннис бўйича “Фьючерс” туркумига кирувчи турнир давом этмоқда.

Нави Мумбай турнирининг жуфтликлар мусобақасида ҳамюртимиз Албина Хабибулина ҳам муваффақиятли тарзда иштирок этяпти. Россиялик Екатерина Яшина билан иккинчи рақамли жуфтликни ҳосил қилган Албина финал чиптасини қўлга киритди.

Албина ва Екатерина 1 соату 9 дақиқа давом этган ярим финал баҳсида америкалик Како Жакюлин ҳамда черногориялик Ана Веселиновичдан иборат тўртинчи рақамли жуфтликни 6:4, 6:4 ҳисобида мағлуб этишди. Энди улар бош мукофот учун баҳс олиб боришади.