02 янв 13:31
Янгиликлар

Бокс/ММА

Александр Усик катта танаффусга чиқди

Ўтган йили Тайсон Фьюрига қарши 24 раунд тўлиқ жанг ўтказган Александр Усик катта танаффус олишга қарор қилди.

Украиналик жаҳон чемпиони бритаиялик WBC камарининг собиқ соҳиби Тайсон Фьюрини ҳар икки жангда ҳам очколар ҳисобига кўра мағлубиятга учратган эди. Усик энди ёзгача аниқ рингга қайтмайди. Бу ҳақда унинг менежери Эгис Климас хабар берди.

"Бу узоқ давом этадиган танаффус бўлади. Фьюри билан бўлиб ўтган 12 раундлик жанг узоқ муддатли тикланишни талаб қилади. Усик июль, балки август ойида ҳам рингга қайтмас", - деди Климас.

Шунингдек, чемпионнинг менежери мижозининг кейинги рақиби IBF чемпиони британиялик Даниэль Дюбуа бўлиши мумкинми деган саволга ҳам жавоб берди.

"Дюбуа аввал Жозеф Паркерни мағлуб этиб олсин. Кейин Усикка қарши жанг ҳақида ўйласа бўлади", - деди Эгис.