Александр Волков: "Миочич - Нганну биринчи жангдагидек ўтади. Бу сафар ҳам яна Стипе ютади"

“Биринчи жангдаги каби Миочич навбатдаги баҳсда ҳам ғалаба қозонади. Менимча, шу вақт ичида Нганну худди шундай устунлик қилишни амалга оширишга муваффақ бўлган деб ўйламайман.

Агар Нганну уни биринчи раундда нокаут қила олмаса, кейинги раундларда бундан афсусланади.

Ҳа, у дастлабки беш дақиқада хавфли. Менимча, ҳозирда у биринчи раунддаги энг хавфли оғир вазнли боксчи, аммо биринчи жангда содир бўлган воқеа Миочичнинг ҳар томонлама биринчи даражали эканлигини кўрсатади: курашда, зарба бериш техникасида ва балки жисмоний ҳолатда ҳам", - дейди Волков.

Эслатиб ўтамиз, Миочич ва Нганну ўртасидаги жанг 27 март куни UFC 260 турнирида бўлиб ўтади. 2018 йилдаги биринчи жангда Миочич ҳакамларнинг якдил қарори билан ғалаба қозонганди.