Александр Зверев ABN AMRO Open турнирининг чорак финалига чиқолмади

АТР рейтингида 17-ўринни эгаллаб турган германиялик Александр Зверев Роттердамдаги мусобақанинг 1/8 финалида жаҳоннинг 61-ракеткаси нидерландиялик Таллон Грикспурга 3 сет натижасига кўра ютқазиб қўйди - 6/4, 3/6, 4/6 .

Теннисчилар кортда 1 соату 59 дақиқа ҳаракат қилишди. Шу тариқа, ўзаро учрашувлар ҳисоби тенглашди – 1:1. 

Грикспур ўз фаолиятида тўртинчи марта Топ-20 даги рақибини мағлуб этди (етти мағлубият билан), барча ғалабалар ABN AMRO Open турнирида қўлга киритилган. Ярим финал йўлланмаси учун у ҳамюрти Гийс Брувер ёки данияоик Хольгер Руне билан беллашади.