Алимардон Абдуллаев Жаҳон чемпионати кумуш медали совриндори + ФОТО

Юртимиз шарафини 55 кг вазн тоифасидаги беллашувларда ҳимоя қилган юнон-рум курашичимиз Алимардон Абдуллаев финалга қадар мағлубиятсиз етиб келиб, жаҳон чемпионатининг кумуш медали билан тақдирланди.  

У нимчорак финалда қирғизистонлик Акйикат Кулжигит уулуни 5-1, чорак финалда руминиялик Денис Флоринни 8-0, ярим финалда тожикистонлик Асламжон Азизовни 8-3 ҳисобида мағлуб этди. Жаҳон чемпионатининг олтин медали учун кечган баҳсда эса эронлик Амирризо Деҳбозоргига 1-3 ҳисобида имкониятни бой бериб қўйди. 

Яна бир курашчимиз Шаҳриёр Жўрабоев эса жаҳон чемпионатининг бронза медали йўлидаги ўтиш баҳсида иштирок этди. 87 кг вазндаги полвонимиз аввалига хорватиялик Кристиан Лукачдан устун келди. Аммо, бронза медали учун бўлиб ўтган учрашувда туркиялик Тансел Ортучуга 3-5 ҳисобида ютқазиб қўйди.