Алишер Алимов “Осиё болалари" VII халқаро спорт ўйинларига тайёргарлик кўраётган самбочиларимиз билан учрашди

Айни пайтда ушбу мусобақада қатнашувчи самбочиларимиз Самарқандда ўқув-машғулот йиғинини олиб боришмоқда. 

Ўзбекистон самбо ассоциацияси раиси Алишер Алимов мусобақага тайёргарлик кўраётган спортчиларимиз билан учрашиб, уларнинг тайёргарлик жараёнини кузатди. 

Ушбу ташрифда Алишер Алимовга Самарқанд вилояти спортни ривожлантириш бошқармаси бошлиғи Шуҳрат Рўзиев, Ўзбекистон самбо ассоциацияси раиси ўринбосари Равшан Ғуломов, Ўзбекистон самбо ассоциацияси Самарқанд вилояти бўлими ижрочи директори Ўктам Ҳайдаров, Тойлоқ Олимпия захиралари коллежи директори Ўткир Қурбонов ҳамроҳлик қилди. 

Мутасаддилар муҳим мусобақага тайёргарлик кўраётган спортчиларимизнинг машғулотларини, шунингдек улар яшаётган меҳмонхона шароитларини, озиқ-овқатлари кўздан кечирилди. Спортчилар билан учрашиб, улар билан мулоқот қилинди. 

Шунингдек меҳмонлар Самарқанд шаҳрида самбочиларимиз учун асосий базалардан бирига айланаётган болалар ва ўсмирлар спорт мактабида яқинда реконструкциядан чиқарилган спорт залини ҳам кўришди.

Эслатиб ўтамиз, "Осиё болалари" мусобақасида самбо бўйича баҳслар 4 август куни ўтказилади.

Ўзбекистон самбо ассоциацияси матбуот хизмати