20 сен 14:43
Янгиликлар
Спорт курашлари
Алишер Ғаниев ЖЧ финалида, Абдулло Алиевда эса бронза медалини қўлга киритиш имкони бор
Хорватиянинг Загреб шаҳрида ўтказилаётган спорт курашлари бўйича катталар ўртасидаги жаҳон чемпионатида Ўзбекистон терма жамоаси аъзолари иштирокини давом эттирмоқда.
Кечаги беллашувлар давомида юнон-рум кураши бўйича саралаш босқичида барча рақибларини мағлубиятга учратган Алишер Ғаниев (-60 кг) бугун олтин медал учун қозоғистонлик Аидос Султангали билан баҳс олиб борса, ярим финалда имкониятни бой берган Абдулло Алиев (-72 кг) бронза медали учун гиламга чиқади. Унинг бу босқичдаги рақиби кечки дастурда аниқ бўлади.
Бундан ташқари, айни дамда Айтжан Халмаханов (-63 кг) ва Шермуҳаммад Шарибжонов (-67 кг) саралаш босқичидаги юришини давом эттиряпти.
Ҳавола :
Манба : olympic.uz
Фикрлар