Алиёр Норалиев Ўзбекистон чемпионатидаги илк жангидан сўнг ўз фикрларини билдирди

"Рингга кўтарилгунча ҳаяжон кучли бўлди. Жанг бошлангандан сўнг ҳаяжон ҳам йўқолиб борди. Қўлимдан келганича курашдим. Ҳар қандай спортчи учун дастлабки жанг қийин бўлади. Бундан кейинги баҳсларимни ёрқинроқ ўтказишга ҳаракат қиламан. Энг яхши боксчига бериладиган кубок учун Бобоусмон Батуров, Миразизбек Мирзахалилов, Шунқор Абдурасулов, Абдумалик Ҳалаков кабилар қаторида мен ҳам даъвогарлик қиламан. Ким кўпроқ меҳнат, ҳаракат қилган бўлса, ўша кубок эгасига айланади", - деди Норалиев. 

Эслатиб ўтамиз, -63 кг вазнда ўз жангларини ўтказиб келаётган Алиёр кеча илк даврада Наманган вилояти вакили Зоҳидхон Жўраевга қарши рингга кўтарилиб, кейинги босқич масаласини ҳал этган эди. 

Хуршида Абдикулова суҳбатлашди