Алжамейн Стерлинг икки эҳтимолий рақибни айтди

"Ҳозир 36 ёшман ва фаолиятимни якунлашдан олдин яна бир бор чемпионлик учун жанг қилишни жуда хоҳлардим. Иложи бўлса, нафақага чиқишдан олдин камарни ҳимоя қилишга улгуриш. Топ-5 даги барча жангчилар ҳақиқий қотиллардир. Мен жон-жон деб Лерон Мёрфи билан муштлашардим. Бу янги чеҳра, янги чақирув, енгилмас жангчи. Ва бу мен профессионал ва ҳаваскор фаолиятимда жанг қиладиган биринчи қора танли йигит бўлади, бу ҳақиқатан ҳам ақлдан озишдир. Агар йўқ бўлса, Яир Родригес билан жангни қабул қилишга тайёрман. Мен Диего Лопесни чақирдим, аммо у чемпионлик имкониятини қўлга киритди", - деди америкалик жангчи MMA Dungeon’га берган интервьюсида.

Аввалроқ, Лерон Мёрфи навбатдаги жангини 21 март куни Лондондаги UFC турнирида Мовсар Евлоевга қарши ўтказишини айтганди. Учинчи поғонада бораётган Яир Родригеснинг жанги ҳақида эса ҳеч қандай маълумот йўқ.