Алжамейн Стерлинг уч рақиб, жумладан, Мовсар Евлоевни ҳам жангга чорлади

"Лерон Мёрфи, мен тайёрман! Февраль ёки март ойида ўз шаҳрингда (Манчестерда). Даврани қиздиринг, мен тайёрман. Яир Родригес, мен тайёрман! Мовсар Евлоев, мен ўша жангда ғалаба қозонгандим! Сизларга тайёрман, аблаҳлар. Дана Уайтга айтинг, сизни тайёрласин. Агар Оқ уйга боришни истасангиз, сиз билан бирга бораман. Ахир мен бу ерда жуда катта пул ишлаб топмоқчиман, оғайнилар", - деди Стерлинг ижтимоий тармоқдаги саҳифасида эълон қилинган видеода.

2023 йил август ойида Шон О`Мэллидан қабул қилиб олган мағлубиятдан сўнг ярим енгил вазн тоифасига ўтган Стерлинг 2024 йил декабрь ойида россиялик Мовсар Евлоевга қарши жанг ўтказди ва ҳакамларнинг якдил қарори билан мағлуб бўлди.

Британиялик Лерон Мёрфи айни пайтда UFC ярим енгил вазн тоифаси рейтингида учинчи, мексикалик Яир Родригес эса тўртинчи ўринни эгаллаб турибди.