16 окт 11:18
Янгиликлар
Бокс/ММА
Аълохон Абдуллаев Эквадорда жанг қилади
Жорий йилнинг 21 ноябрь куни Эквадорнинг Кито шаҳрида бокс бўйича "IBA Чемпионлар оқшоми" мусобақаси ташкил этилади.
Эътиборлиси, мусобақа доирасида ўзбекистонлик боксчи, Жаҳон чемпионати совриндори Аълохон Абдуллаев рингга кўтарилади.
Унга ўша куни эквадорлик Абель Мина рақиблик қилади. Мина ўзининг ҳаваскор боксдаги фаолияти давомида ҳозирда проф боксдаги вакилимиз Шаҳрам Ғиёсов билан жанг қилиб, мағлуб бўлган.
Эквадорлик чарм-қўлқоп устаси проф боксда ҳозирга қадар 21 та жанг ўтказиб, 17 та ғалаба , 3 та мағлубият ва 1 та дуранг қайд этган.
Аълохон Абдуллаев эса 2023 йилги Жаҳон чемпионатининг бронза медали соҳиби ҳисобланади.
Ҳавола :
Манба : sports.uz
Фикрлар