Альварес Головкин билан учинчи жанг учун ўз шартини айтди

Мексикаликнинг сўзларига кўра, бу кураш учун қозоғистонлик боксчи -76,2 кг вазн тоифасига кўтарилиши керак.

"Ҳақиқат шундаки, мен ҳар қандай жангга очиқман. Ўрта вазндаги камарларни бирлаштирганимдан сўнг у билан учрашишим мумкин. Аммо агар у жанг бўлишини истаса, менинг вазнимга ўтиши керак. Головкин чиндан хоҳласа, буни қилиши лозим. У билан учрашиш учун мен ўрта вазнга кўтарилдим", - дея Альвареснинг сўзларини келтиради BoxingScense.

Эслатиб ўтамиз, Сауль ва Геннадий бунгача икки маротаба жанг қилган. Биринчи тўқнашувда дуранг қайд этилган бўлса, иккинчи баҳс мексикалик боксчининг ғалабаси билан якунланган.