Альварес операция оқибатлари сабаб камар учун жангдан бош тортди

Ушбу чемпионлик камари яқинда фаолиятини мағлубиятсиз якунлаган Теренс Кроуфорддан кейин вакант, яъни эгасиз қолганди. Бу ҳақда Bloody Elbow нашри хабар бермоқда.

Аввалроқ IBF Альварес ва мажбурий даъвогар, кубалик мағлубиятсиз Ослейс Иглесиас бўш қолган камар учун жанг ташкил этилиши ҳақида хабар берганди. Аммо 2025 йилнинг сентябрида айнан Кроуфорддан учралган мағлубиятдан кейин тирсагини операция қилдирган Альварес реабилитация туфайли ушбу жангни ўтказиб юборишга мажбур бўлмоқда.

Шу тариқа, суперўрта вазн тоифасида вакант бўлиб турган IBF камари учун Иглесиасга қарши жанг учун навбатдаги эҳтимолий даъвогар Саульнинг ҳамюрти Хайме Мунгуиа бўлади. IBF рейтингида кейинги ўринни эгаллаб турган Мунгуиа 2024 йилнинг май ойида "Канело"га ютқазган эди.