22 май 15:55
Янгиликлар

Теннис

Амалдаги чемпион "Ролан Гаррос" учун либосини кўрсатди + ФОТО

Сайёрамизнинг биринчи рақамли теннис маликаси Ига Свёнтек "Катта Дубулға" туркумига кирувчи "Ролан Гаррос" турнирида қандай либосларда ҳаракат қилишини кўрсатди.

Польшалик 22 ёшли теннисчи "Катта Дубулға" турнирларининг тўрт карра ғолибаси ҳисобланади. Ига ON Running бренди экипировкларида ҳаракат қилади. "Ролан Гаррос" турнирининг асосий тўр баҳслари 26 май куни бошланади. 8 июнь куни ғолиб аниқланади. Айнан Свёнтек мусобақанинг амалдаги чемпиони ҳисобланади.

Эслатиб ўтамиз, Ига Свёнтек кетма-кет Мадрид ва Рим шаҳарларидаги WTA-1000 тоифасига кирувчи турнирларда бош совринни қўлга киритганди. Ҳар иккала турнир финалида ҳам у дунёнинг иккинчи ракеткаси, беларуслик Арина Соболенкони мағлубиятга учратганди.