Амалдаги энг ёш жаҳон чемпиони камар ҳимояси учун рингга кўтарилди

Оқшом доирасида дунёнинг амалдаги энг яхши ёш жаҳон чемпиони Абдулла Мейсон ҳамда ярим енгил вазнда WBC камари соҳиби Брюс Кэррингтон ўзларининг илк чемпионлик ҳимоя жангларини ўтказишди. 

22 ёшли енгил вазн тоифасидаги WBO чемпиони Мейсон Альберт Беллга қарши жангнинг биринчи ярмида жиддий муаммоларга дуч келди, аммо кейин ташаббусни қўлга киритишга муваффақ бўлди. Охирги раундга келиб Белл ҳолдан тойган кўринди, ҳакам иккинчи нокдаундан кейин ўн иккинчи раундда жангни тўхтатди, гарчи бу баҳсли кўринса-да.

Мейсоннинг асосий спарринг шерикларидан бири бўлган Белл сўнгги дақиқада АҚШга виза беришни рад этган британиялик Жо Кординани алмаштирганди.

Америкалик 29 ёшли Керрингтон биринчи чемпионлик камар ҳимоясида Рене Паласиосни ҳакамлар қарори билан 118-111, 117-111 ва 116-112 ҳисобларида мағлуб этди. Бунгача Керрингтон агар биринчи ярим енгил вазн тоифасидаги мутлақ чемпион тоифасини ўзгартирмоқчи бўлса, Наоя Иноуэ билан жанг қилишга тайёрлигини бир неча бор таъкидлаганди.