Аманда Нуньес: "Шу сабаб Бразилияни тарк этишимга тўғри келган"

"Ўйлашимча, бразилияликлар мени ёқтиришмайди. Чунки мен штатларда яшайман ва фаолиятимни Strikeforce ва UFC каби йирик промоушенда бошланганман. Бразилияни тарк этишимга тўғри келган, акс ҳолда жанг қила олмаган бўлардим. Имконим туғилиши билан ундан фойдаландим ва ҳозирги даражага етишдим. Билмадим, балки бразилияликларга четга кетмай Бразилияда қолган жангчилар ёқар. Улар мени ёқтирмаслиги мумкин. Нима ҳам қила олардим?" - дея Нуньеснинг сўзларидан иқтибос келтиради MMAFighting.

Эслатиб ўтамиз, Нуньес 31июль куни UFC 277 турнирида Жулианна Пеньяга қарши реванш жанги ўтказади. Ўтган йилнинг декабрь ойида Жулианна Пенья шов-шувли тарзда Аманда Нуньесни иккинчи раундда бўғиш усули эвазига мағлубиятга учратган эди

Пенья аралаш яккакурашларда 15 та жанг ўтказган ва уларнинг 11 тасида ғалаба қозонган 4 тасида эса мағлубият аламини тотиб кўрган. Нуньес 26 та жанг ўтказиб, уларнинг 21 тасида ғалаба қозонган ва 5 тасида мағлубиятга учраган.