24 фев 08:49
Янгиликлар

Бокс/ММА

AMC Fight Nights 123 турнирининг марказий жанги муддатидан аввал якунланди

Россия пойтахти Москва шаҳрида аралаш яккакураш бўйича AMC Fight Nights 123 турнири бўлиб ўтди.

Оқшомнинг марказий жанги енгил вазн тоифаси чемпионлик камари учун ўтказилди. Унда Магомед Сулумов ACA ва Bellator промоушенлари собиқ жангчиси Александр Сарнавскийга қарши октагонга кўтарилди.

Чемпионлик жанги 3-раунднинг 4-дақиқаси 33-сонияси ўтиб бораётган бир паллада тўхтатилди. Тажрибали Сарнавский рақибини бўғиш усули билан мағлубиятга учратди. Шу тариқа, Александр енгил вазн тоифасида AMC Fight Nights промоушенининг янги чемпионига айланди.

Сарнавский фаолиятидаги 41-ғалабасини қўлга киритди. Ҳисобидаги мағлубиятлар 8 талигича қолди. Сулумов ҳисобида 10 ғалаба ва 3 мағлубият бор.