11 май 15:14
Янгиликлар
Бокс/ММА
Америкадаги ҳамюртимиз Муродбек Чориев навбатдаги жангини ўтказди. Унга собиқ UFC жангчиси рақиблик қилди
Бугун тонгда АҚШнинг Миссури штатида ММА бўйича Shamrock FC 354 турнири бўлиб ўтди.
Оқшомнинг марказий жангида асли ўзбекистонлик, ҳозирда АҚШда истиқомат қилувчи Муродбек Чориев октагонга кўтарилди. Ҳамюртимизга америкалик собиқ UFC жангчиси Дариан Уикс рақиблик қилди. Уч раундга мўлжалланган жанг тўлиқ давом этди ва унда афсуски, ҳакамларнинг якдил қарори билан Уикс ғалаба қозонди.
Бу жанг орқали Чориев ўзининг проф фаолиятидаги илк мағлубиятини қабул қилиб олди. У бунгача тўртта ғалабага эришган эди.
Маълумот учун, Дариан Уикс 2021-2022 йиллар давомида UFC'да учта жанг ўтказиб, барчасида мағлуб бўлганди. Унинг ММАдаги рекардида 8 та ғалаба ва 3 та мағлубият бор.
Ҳавола :
Манба : olamsport.com
Фикрлар