24 мар 10:04
Янгиликлар

Бокс/ММА

Америкадаги ҳамюртимиз Муродбек Чориев ўтган йилги мағлубиятидан кейин илк бор октагонга кўтарилди + ФОТО

Бугун тонгда АҚШнинг Техас штати, Хьюстон шаҳрида ММА бўйича Fury FC 103 турнири ташкил этилди.

Мусобақанинг асосий карди доирасида асли ўзбекистонлик, ҳозирда АҚШда истиқомат қилувчи Муродбек "Макс" Чориев октагонга кўтарилди. Унга америкалик Деррик Агедай рақиблик қилди.

Яримўрта вазн тоифасида ўтказилган 3 раундлик жанг тўлиқ давом этиб, якунда ҳакамларнинг якдил қарори билан Муродбек Чориев очколар (30:27, 30:27, 30:27) ҳисобига кўра ғалаба қозонди.

Бу 27 ёшли ҳамюртимиз учун проф фаолияти давомидаги олтинчи жангида қўлга киритган бешинчи ғалабаси бўлди. Ўтган йилнинг май ойида ўтказган сўнгги жангида у Дариан Уиксга имкониятни бой бериб қўйган эди.

35 яшар Деррик Агедай ҳисобида эса энди 7 та ғалабадан ташқари 13 та мағлубият ҳам бор.