12 авг 14:09
Янгиликлар

Теннис

Америкалик теннисчи душанба кунги рейтингда 800 поғона юқорилайди

Америкалик теннисчи Слоан Стивенс душанба куни эълон қилинадиган янги рейтингда деярли 800 поғона юқорига кўтарилиб олади.

Дунёнинг 934-ракеткаси бўлиб турган Слоан Канаданинг Торонто шаҳрида ўтказилаётган WTA Premier 5 тоифасидаги нуфузли турнирнинг ярим финалига чиқиб, катта шов-шув кўтарди. Янги рейтингда у камида 150-ўриндай жой олади.

Канада Очиқ чемпионати номини олган Rogers Cup турнирининг соврин жамғармаси 2 миллион 434 минг 389 долларни ташкил қилади. Америкалик теннисчи 2 соату 11 дақиқа давом этган чорак финал баҳсида чехиялик Люси Шафаржовани 6:2, 1:6, 7:5 ҳисобида мағлуб этди.