Америкалик UFC жангчиси Шавкат Раҳмонов ҳақида: "Ундан кўра мен Ўзбекистонга яқинроқман"

— Охирги чиқишларингдан бирида Шавкатга: "Ўзбекистонда яширинишни бас қил", дегандинг. Ўзи Шавкат бошқа давлат вакили эканини биласанми?

— У қаерда туғилган? Тўғри, Ўзбекистонда. Мен Ўзбекистонга Шавкатнинг ўзидан ҳам яқинман. Рўзибоев билан жангга Ўзбекистон байроғини елкамга ташлаб чиққанман. Бу Шавкат туғилган мамлакатга мен ундан ҳам кўпроқ муҳаббат кўрсатаётганимни исботлайди.

— Нурсултон Рўзибоев билан жангингиз ижтимоий тармоқларда катта шов-шувга сабаб бўлганди. Қозоғистон ва Ўзбекистон қўшни, шунинг учун бир-биримизни кузатиб борамиз. Ўзбекистонлик мухлислардан шахсий хабарлар ёки "ҳужумлар" бўлдими?

— Ижтимоий тармоқлар — бу бир гап. Аммо Сент-Луисда яшайдиган ўзбек жамоаси билан жуда яхши муносабатларим бор. Бу ерда катта ўзбек диаспораси бор. Дўстларимдан бири, жуда яқин дўстим — ўзбек. Жанг олдидан байроқни елкамга олиб чиқишим — уларга бўлган ҳурмат ва муҳаббатимни кўрсатиш имкони эди. Кейин байроқ билан мени белгилаганларнинг барчасини саҳифамга жойладим — уларни кўришсин, танишсин деб.

Мен яна бир нарса қилишни истайман — Ўзбекистонга бориб, у ердаги одамлар билан вақт ўтказиш. Охир-оқибат, биз ҳаммамиз бир тилда — яккакурашлар тилида гаплашамиз. Агар сен кенг қалбли жангчи бўлсанг, ҳар доим ҳурматга эга бўласан", — деди Бакли.